田蕊妮、陳嘉佳（小寶）、楊詩敏及鄭欣宜前晚錄影無綫節目《Sunday扮嘢王》，阿田大讚扮演容祖兒（Joey）的小寶身材好，而欣宜及蝦頭則扮「脹版」Twins大唱「明餓暗戀Gathering」打側手翻！　

田蕊妮大讚穿緊身衫的小寶索爆！

小寶

扮「脹版」Twins的楊詩敏及欣宜打側手翻時露出打底褲。

楊詩敏（左）及欣宜大唱「明餓暗戀Gathering」，擺明暗寸Coffee！

藝人田蕊妮、陳嘉佳、楊詩敏及鄭欣宜前晚在將軍澳電視城錄影無綫節目《Sunday扮嘢王》，身為評判的阿田指自己只懂扮聲，冇膽扮嘢：「我有扮人哋把聲唱歌，但要我扮嘢嘅話，我會怕醜！」阿田曾與小寶合作拍劇，她直言從未見過小寶着緊身衫，大讚其裝扮令身材表露無遺！阿田又自爆完成無綫新劇《忠奸人》的宣傳後，便會接拍鬼片，飾演辮子姑娘。問到有否想過憑《忠奸人》再奪視后，她笑說：「我一向冇諗呢啲，最緊要做好角色！」

而小寶則不怕冒犯Joey：「我覺得自己都扮得幾靚呀！」並表示為傳神地模仿Joey，曾向人請教：「佢話要扮到單純可愛，同有把笑聲就得，仲有跳舞時要狂野同性感。」

暗寸Coffee

而欣宜及蝦頭自稱「Dins」，大跳「明餓暗戀Gathering」時，二人不慎露出加大碼打底褲，問到歌曲是否暗寸林芊妤（Coffee），她們卻搞笑地說：「首歌係講冇人陪我哋去廁所，咁係人都要去廁所o架啦！」