歌手可嵐日前爆家暴，她前晚舉行記者會交代事件。而可嵐老公尤子威亦首度開腔回應指控，坦言夫婦多次為錢爭執，暗示雙方都曾動手，並說：「佢都好火爆，一隻手掌打唔響！」　

尤子威談到家暴時表示可嵐「都唔係弱質女仔。」

可嵐拍照時雙手互握，心情緊張。

可嵐交代事件時狀甚悲傷。

談到兒子時，尤子威欲言又止。

可嵐日前傳家暴，她前晚在尖沙咀酒店舉行記者會交代事件。穿便服、戴黑框眼鏡及化淡妝的可嵐一開口即哽咽地說：「報道嘅相片係我，我一路希望維繫家庭，所以一路冇向外界透露。呢件事上唔希望指摘任何一方，我可以忍受皮外傷，但小朋友嘅傷會對佢成長造成長久傷痕。」她表示會以不合理行為作理由向老公尤子威提出離婚，並會爭取兒子撫養權。談到6月2日報警的案件，可嵐表示仍未落口供及檢控，希望警方盡快處理。她又指曾跟尤子威聯絡，但沒有正式通話，一切交由律師處理。期間記者要求可嵐展示傷勢，她則表示傷勢已痊愈。

6月2日冇夾手

而尤子威昨日接受本報訪問，首度開腔回應事件。他承認多次與可嵐因為金錢問題爭執，並指每次爭執可嵐都會嗌報警，令他很困擾。提到他和可嵐於6月2日爭執而報警、可嵐更聲言被夾到手一事，他說：「6月2號嗰晚我哋係有嗌交，不過佢冇夾到手，成件事都唔係咁，佢話當晚被門夾到，其實係冇發生過。（夾傷手幾時發生？）係好多個月前嘅事，我哋為錢銀嘢嗌交，我唔想同佢嘈準備走，關門時候佢叉隻手埋嚟！」

「一隻手掌打唔響」

問到尤子威可有動手打可嵐，他說：「家暴係佢講嘅，咁我有冇被打？現今男人唔着數，佢都唔係弱質女仔，佢都好火爆，一隻手掌打唔響。」至於會否與可嵐爭兒子撫養權？他說：「我出發點唔想爭鬥，我要考慮點樣對個仔最好，呢一刻希望可以開放咁同佢傾。」當講到兒子一事，他一度眼紅紅。尤子威又表示見到可嵐「復出」做歌手，希望她有好成績，又指當初好欣賞可嵐對唱歌的熱誠，曾在電視節目看到她講心路歷程好感動。