美國性感天后Rihanna也是世盃粉絲，她在紐約街頭被拍到穿吊帶睡衣及波鞋去睇巴西對德國的生死戰，支持巴西的她在決賽周前已公告天下她最愛的隊伍，可惜熱捧的球隊例必輸波如葡萄牙及英格蘭，今次巴西大敗而回，會否是因「燈神」Rihanna在背後發功呢？

身穿吊帶睡衣的「燈神」Rihanna出發為巴西打氣，真係多得你唔少喇！

另一邊廂，冇拖拍的麻煩女星蘭茜露漢（Lindsay Lohan），與妹妹Ali到Cafe睇波，離開時戴住黑超面燶燶，哭波喪咁款，似乎黑氣未除！而男星里奧納度狄卡比奧（Leonardo Di Caprio）女友Toni Garm則意氣風發，她跟里奧仔及一班朋友在Cafe睇波，里奧仔低調唔出聲，她則興奮到從背後攬住男友慶祝德國進身決賽。