孫耀威雖然官司纏身，但他一於少理，昨日攞正牌與爆乳台妹雷瑟琳肉搏激咀，老孫還純熟地寬衣解帶，又胸壓「打茄輪」，令現場升溫!

孫耀威與台模雷瑟琳一開機就埋身肉搏，專業精神可嘉！

要一手扯開雷瑟琳外衣及激咀她的孫耀威，一臉尷尬。

孫耀威昨日現身尖沙咀酒店拍攝新歌《叛侶》MV，更親自邀請台灣人氣混血女神雷瑟琳做女主角，一提到雷瑟琳，他說：「之前同佢喺台灣拍過偶像劇，今次搵佢都一口答應！」兩人在MV內有多場激吻場面，不但在酒店房內「翻雲覆雨」，不停轉身「打茄輪」，更咀到上枱！擁有豐滿上圍的雷瑟琳穿上白恤衫瞓上枱，更自動波解開恤衫鈕，露出性感「喱士」內衣，Big波蕩漾色誘老孫！

而老孫亦手勢純熟地扯開雷瑟琳的恤衫，隨即壓在她身上，胸貼胸肉搏數分鐘！老孫表示邀請雷瑟琳做女主角時已透露有激吻場面：「真係冇諗過佢會咁開放！」問到老孫有否向女友陳美詩（Macy）報定案，他說：「首新歌個概念係講偷食，個Idea係Macy畀我嘅，佢叫我寫歌同拍MV都要肉緊啲，所以都冇話特別要報案啦！」

兩年內生B

問到有關怒告台灣大型商場一事，老孫說：「我花咗好多錢去開Cafe，點知個舖位唔可以做飲食，對我嚟講好大打擊！不過好彩上海間酒吧生意好好！」他又表示事件處於司法程序中，更揚言要為自己爭口氣。問到是否因此事才延遲婚期，他說：「其實我都想呢一、兩年生BB，但實在太忙，我同Macy都聚少離多，好彩佢好支持我！」