吳千語與黃又南昨日於中環拍攝新片《王家欣》，在高溫下開工的又南搞到一身汗，而拍到「冇胃口」的千語坦言是從影以來最辛苦的一次。首次合作的兩人會有一場吻戲，又南笑言期待千語主動獻吻，千語則大讚又南風趣。世界盃四強德國狂數巴西，作為巴西擁躉的兩人均大跌眼鏡，又南坦承德國整體合作性高，又笑稱早前「誤信」朋友買錯波：「有朋友傳咗段嘢畀我睇，推測今屆冠軍應該係烏拉圭，我買咗100蚊，依家連影都冇！」

在高溫下拍片的吳千語以迷你風扇散熱。