o靚模仙樂都昨日出席香港貿發局舉行的香港時裝節，對於盛品儒背女友當街攬啜o靚模Ashina，她突然衝口而出，爆出另外一個女仔名：「Vivian？（係Ashina！你爆咗另一個出嚟？）唔知，睇唔切新聞，唔夠瞓。（盛品儒特別同女仔傾得埋？）Er……盛生為人風趣幽默，無論男女都好傾得埋。（追過你？）冇！我又唔係o靚模。」另外，問到會否當模特兒行騷，她則自言不夠高，但有興趣當設計師。及後記者再追問Vivian是誰，她補鑊解釋：「我誤以為係趙詠瑤（Vivian、現改名Kimi），因為我記得佢有嫩版謝安琪之稱。」

仙樂都口快快爆出Vivian的名字，及後忙解畫補鑊。