《東網》足本爆前亞視高層盛品儒夜撻郭奕芯（Ashina），其正印女友蔡一鳳立即割席，指上周五已經分手！盛品儒昨日凌晨在Facebook箍煲，可惜女友表示只肯保持朋友關係，令箍煲大計觸礁！　　　

不勝酒力的盛品儒醉臥在黃柏高髀上。

Michelle堅持與盛品儒現在只是朋友。

面對盛品儒的箍煲攻勢，Michelle似乎不為所動。

盛品儒（箭嘴示）昨晚到場欣賞張智霖的演唱會。

曾與疑似男友貼面合照的Ashina被爆「一腳踏兩船」。

盛品儒上周被《東網》足本拍得背女友蔡一鳳（Michelle）與Ashina情陷夜灣仔，成為全城熱話！太陽城集團主席周焯華表妹的Michelle稱上周五已分手，盛惟有認衰，昨日凌晨在Facebook轉載《東網》報道：「要箍煲！！」他昨日接受本報訪問時說：「（箍煲？）係！我喺深圳做緊嘢唔方便傾！」隨即掛線。他前晚獨自看張智霖個唱，坐在隱蔽位並眉頭深鎖。

醉上樓「危險」

Michelle昨回應盛品儒出軌：「我暫時覺得同佢保持朋友關係最合適，以後點冇所謂，最重要屋企人鍾唔鍾意！」問到是否不開心，她說：「唔係，係有少少震驚，以為佢咁宅應該唔多女仔鍾意，佢解釋醉咗，我都相信，女仔唔鍾意唔會親自送，飲醉去男士屋企嘅危險女仔都分析到！其實同James已分手，我哋朋友關係！由佢追我已經話冇機會，因為形象太花弗，但係佢一心一意一齊8個月，佢畀到安全感我！佢話冇下文我體諒，當飲醉或發洩都好，過咗就算！」又指對方酒量淺易「斷片」：「試過同Paco（黃柏高）飲酒，佢醉到貓咗瞓喺小『Paco』上面，畀我影咗擺上網！」

唔知分手照嗒

Ashina則支持盛品儒箍煲：「支持佢，畀心機！（間接令人分手？）人哋講咗一早分手，唔好將個波推畀我。（Feel到佢分手？）Feel唔到，佢冇講。」又指事後未有聯絡對方，亦不會再見。此外，有讀者爆料指Ashina令「男友」戴綠帽，其「男友」於Instagram上載頭貼頭照，Ashina聞言即撇清關係：「係幾個月前嘅事，佢追過我，不過冇開始過！佢要冧我我都冇辦法！」