高鈞賢、陳貝兒及張秀文於巴西直擊巴西對德國，原本支持德國的高鈞賢坦言逗留巴西三十日，已深深被巴西球迷感染：「我本來都諗德國贏，但個心都係支持巴西，所以睇呢場波時都好忐忑，其實半場之後啲巴西球迷都激動，有啲仲將件球衣丟落地踩，反而完場後都見到德國同巴西球迷企埋一齊，都好有風度。」

高鈞賢於巴西直擊巴西對德國賽事。

問到球迷激動，治安會否有影響時，他說：「呢度都好多警察，又有軍裝、又有飛虎，所以都好安全。」而張秀文受訪時表示巴西輸了三球時已想喊，現場見到巴西球迷都在喊：「冇諗過巴西全場捱打，毫無還擊之力，我90分鐘喊足60分鐘，我哋仲講笑咁話將來啲巴西人茶餘飯後都可能攞番呢場波嚟講。」

而勁捧德國隊的陳貝兒於微博上載巴西球員大衞雷斯的照片，更表示從來沒試過贏得如此心噏：「都說我怕見到男人喊，斯斯....」其後又留言：「衫已換、臉已抹，感覺仍然是很超現實。」