譚詠麟（阿倫）與李克勤及陳百祥早前飛往巴西欣賞世界盃，德國以7：1狂數勝巴西，令人慘不忍睹，身歷其境的阿倫昨日透過電話說：「我一早估到巴西今屆好危險，但真係輸到呆咗，成隊巴西崩潰，大人細路都喊晒。」他又指聽說賽後有人燒車，搞到大家吃完飯不敢出酒店。

周秀娜睇好德國贏冠軍，買定啤酒等慶祝。

提到今晨荷蘭對阿根廷的賽事，阿倫表示睇好荷蘭，又大讚領隊尹戈爾：「佢將以往缺乏團隊精神嘅荷蘭改成好有隊形，分分中荷蘭出線，喺南美洲上演『歐洲國家盃』。」

至於英格蘭提早出局轉捧德國的周秀娜表示睇好德國贏埋冠軍：「德國愈打愈好，最近我鍾意咗佢哋嘅中場奧斯爾，佢交波好似手術刀咁準，我估佢可以帶領德國登頂，所以我已經買定十打德國啤酒，等佢哋攞冠軍就即刻慶祝！」