世盃四強火併，德國狂勝巴西7：1，巴西飽嘗恥辱緣盡世盃，同時令不少巴西躉女藝人如陳庭欣、黃翠如及苟芸慧等傷心欲絕，賽前出招撐爆巴西，如今卻變明燈，七位女神頓變燈神。

黃翠如希望荷蘭打敗阿根廷，再打敗德國捧走冠軍，為巴西報仇。

身在巴西的苟芸慧說：「巴西輸德國1：7真是一場噩夢。」

庭欣風騷晒出印有「巴西be world cup winner」字樣的指甲。

莊思敏：「感性上想巴西贏，估唔到佢哋輸得咁慘烈！」

連詩雅：「Are u serious？巴西吖...」

張名雅慨嘆巴西慘敗，創出新紀錄。

林欣彤難以形容其失落心情。

陳庭欣、莊思敏和梁烈唯等，前晚在電視城出席無綫《2014 FIFA 巴西世界盃－四強森巴嘉年華》活動。

世盃於昨日凌晨的四強決戰中，巴西在尼馬缺陣下力撼德國，結果半場未完已先失五球，最終以1：7負德國，令不少撐巴西的女藝人大跌眼鏡兼大呻「慘」，當中更有七位賽前睇好巴西的女藝人陳庭欣、黃翠如、苟芸慧、莊思敏、林欣彤、張名雅及連詩雅出盡力撐行巴西，如今巴西敗走，七位女神恍似燈神上身，每人燈一球燈死巴西！

陳庭欣前晚在電視城出席無綫《2014 FIFA 巴西世界盃－四強森巴嘉年華》時，風騷晒出印有「巴西be world cup winner」字樣的指甲，沒想到愛隊仆直，昨午接受訪問時慘認是明燈，朋友會問她意見然後改捧另一隊！

慨嘆一場噩夢

另一巴西躉莊思敏說：「感性上想巴西贏，主辦國捧盃嘅話好有紀念性，估唔到佢哋輸得咁慘烈！」而由世盃開鑼一直撐行巴西的黃翠如表示很傷心，更謂希望荷蘭打贏阿根廷再打贏德國捧走冠軍，為巴西報仇。另一邊廂，連詩雅及林欣彤分別在微博寫道：「Are u serious? 巴西吖...」及「我諗咗好耐應該打咩嚟形容我嘅心情，但我諗咗好耐都諗唔到」，而張名雅則表示巴西慘敗創出新紀錄，至於身在巴西的苟芸慧則說：「巴西輸德國1：7真是一場噩夢」。

梁烈唯捧德荷

梁烈唯前晚出席無綫世盃活動時揚言支持德國，並睇好德國與荷蘭進身決賽：「德國好勇猛，球員默契好好，壓迫性好強！」又大讚荷蘭的洛賓帶波速度快！至於是否「明燈」？他表示沒有賭波，曾賭馬但全軍覆沒：「我同陳山聰講買多場，一定要翻本分番畀人，結果我哋買咗三重彩，嗰場10隻馬，我哋買咗7隻，我仲同人講，如果唔中就從上面跳落嚟，點知真係唔中，我係唔可以賭，承受唔到嗰種緊張！」

另外，唯唯和黃心穎昨日為主持的全新日本旅遊節目宣傳，唯唯窒心穎BB：「我唔知佢原來叫心穎BB，真係有冇搞錯，第一次見佢時就問佢都幾廿歲人仲叫BB？佢到今日都未解釋到。」他又爆跟對方男女共浴浸溫泉，不過兩人有圍毛巾，他更笑言對方期間仲「摸到條嘢」，原來只是樹枝。

第一手消息請下載on.cc東網iPhone/iPad/Android/Windows Phone Apps