張智霖（Chilam）前晚紅館演唱會破天荒請太太袁詠儀（靚靚）任表演嘉賓，同場加演恩愛騷爆閨房事，靚靚為老公洗脫女尊男卑而自豪：「我冇嫁錯呢個人！」

Chilam與靚靚在台上深情對望，甜到爆！

穿透視裝的靚靚與台下觀眾握手。

張智霖一連三場《CHILAM CRAZY HOURS LIVE 2014》前晚舉行第二場，邀得老婆靚靚擔任嘉賓，二人首度在紅館同台演出，靚靚演繹已故天后梅艷芳的《夢伴》，惜唱了幾句便喊停，又指老公邀請她任嘉賓是圓其唱歌夢。

靚靚其後向Chilam道歉：「佢綵排演唱會嗰陣我去咗青島拍戲。」又稱回港後第一時間便想和老公親熱：「返香港第一晚，我當然一個轉身攬住佢，但佢攰到郁唔到，即刻展開第二個攻勢，哄埋去錫佢！」可惜老公攰到不能動，靚靚講到心痛更哽咽：「我聞到好大陣藥油味，我覺得佢為咗家庭、事業付出好多，望住呢個沉睡嘅人，我同自己講我冇嫁錯人！」

她又提及拍拖初期，外間常將二人作比較，由當初Chilam被稱為「袁詠儀男朋友」，到現在她變成別人口中的「張智霖老婆」，靚靚驕傲地嗚咽說：「我等咗呢個稱呼好耐喇！」此時Chilam遞上紙巾，哭成淚人的她連聲多謝丈夫及兒子的愛。

笑老婆做騷

老婆在台上真情剖白，Chilam卻取笑靚靚應該繼續演戲，又笑言給她在紅館唱歌的機會都不珍惜！最後Chilam唱《今生今世》送給愛妻，又與老婆繞場一圈，與觀眾握手。

另外，演唱會期間，Chilam助男粉絲向女友成功求婚。