歌手Kellyjackie昨日偕張子丰到港島小學出席《職安健小學探訪活動2014》，她提醒穿高踭鞋上班的女士要注意安全，又以過來人身份說：「我試過着斗零踭，完咗活動同粉絲喺中環行，行行吓成個人仆咗喺度！我細個已經成日整親，試過拉筋整斷韌帶，休息咗幾個月。」她又透露最近跳舞減肥，目標是練成馬甲線，問到會否騷成果？她說：「練成會騷畀大家睇，我都想留倩影。」張子丰則表示首次為新歌MV自編、自導、自演，更隻身飛到加拿大及美國取景：「今次完全冇人幫，其中一幕我要黐啲『架生』喺車出面，拍自己揸車，依家開始慣咗一腳踢。」

Kellyjackie與張子丰帶領一班小學生做體操。