世界盃荷蘭對阿根廷一役明日凌晨舉行，李克勤表示睇好荷蘭，因為隊中有曼聯的尹佩斯及即將任教曼聯的尹戈爾：「我當有曼聯咁睇！」他覺得今屆會是史上最團結的荷蘭，一路以來荷蘭最大敵人是隊中球員不夠團結一致：「但今屆就算洛賓幾獨扭依然OK，好似喺尹戈爾帶領下，好希望攞到個盃！」又指荷蘭由第一場踢到四強都踢得很順：「好波不如好運，實力當然有番咁上下，如果荷蘭畀阿根廷攻更加開正佢嗰瓣，洛賓係超快，阿根廷撳住荷蘭嚟攻，荷蘭有反擊嘅話就有着數！睇佢哋對西班牙已經係咁踢，所以我覺得荷蘭會贏，決賽荷蘭對巴西咪幾美滿。」他又表示美斯公認好波，但阿根廷迪馬利亞缺陣影響很大，實力上會削弱少少：「阿古路雖然傷愈，但我唔覺得佢有十足嘅狀態，就算未受傷時狀態都唔係一定咁好。」

李克勤睇好荷蘭打敗阿根廷殺入決賽。