前亞視執行董事盛品儒2010年入主亞視，爆過不少瘀事，自誇後生靚仔高層的他曾把「眾所周知」錯讀成「眾所X知」，又死撐亞視Logo唔似「死」字，金句多多堪稱「亞視傳奇」！他身邊亦不愁「盛女」，2011年前亞姐呂晶晶與他傳緋聞後，即被指工作機會增加，翌年與港姐陳霽平拍拖睇戲，姊弟戀斷正。2013年他與前亞姐黎虹讌撐枱腳後，當街攬頭攬頸兼直落篤波。不過，即使有幾親暱，只要「盛女」戀情一見光，統統都要講拜拜！
