組合Super Girls（SG）24歲成員Yanny跟66歲宮雪花撞裙！Yanny勝在青春無敵，而做得人阿嫲的花姨唔認輸，到底「嫩女Vs徐娘」邊個最靚則見仁見智。

24歲的Yanny青春無敵，與66歲的宮雪花撞裙不感尷尬。

宮雪花

Super Girls五缺一出席活動。

上周六Yanny穿上黑白格仔裙和Super Girls其他成員出席護膚活動，眾女作狀舔雪糕大賣可愛。

而大Yanny 42歲的宮雪花，前晚出席唐貝詩生日派對時，身上的粉紅色短裙竟跟Yanny撞款，花姨更是成套粉紅色襯珍珠鏈，隔代鬥靚！

長腿名鏈贏晒

因病未能出席昨日校園活動的Yanny在電話中說：「我知邊個係宮雪花姐姐，其實條裙係贊助商送，Heidi都有條，我好鍾意呢個品牌，覺得格仔Print比較難Carry，要着全套上鏡真係唔容易，宮雪花姐姐都襯粉紅色，果然係選美出身。」她又透過經理人表示不會怕尷尬而不再穿該裙。

而花姨則在電話中說：「因為唐貝詩Party主題係粉紅色，我先專登去買，個Sales姐姐話條裙好襯我！（覺得同Yanny比邊個靚啲？）一定係我啦！我有長腿嘛，我仲有條6位數字嘅鏈，佢冇我有。」

至於SG在校園活動上被問到是否校園「女神」？除了Heidi外，其他三女都否認，Cheronna更踢爆：「聽講佢啲師兄會『裝』佢！」Heidi說：「我學校啲人八卦啲。」