洪天明去年以三十多萬元購入意大利名廠出品的新款DUCATI電單車，該品牌有「電單車中的法拉利」之稱，連同改裝費，他已花費近40萬！不過，他早前狠心割愛，將「二奶」放上Facebook及DUCATI群組出售，日前便趁賣車前出巡，相約早前購入三輪電單車代步的方力申及友人遊車河兼消夜。

天明及方力申約朋友食糖水，順便遊車河。

晚上11時許，三人駕車到大坑食糖水並將座駕泊在路旁。當晚天氣酷熱，全副武裝上陣的天明食糖水時將上半身的盔甲型戰衣掛在路旁石柱，三人邊食邊研究車經。醫飽肚後，天明穿回戰衣前往取車，待方力申及友人戴回頭盔後便繼續遊車河。

記者昨日致電問賣車一事，天明說：「我都唔想賣o架，但嚟緊半年都冇時間揸，覺得擺喺度有啲嘥。趁依家未跌價，不如早啲賣啦！（賣咩價錢？）廿幾萬啦！」問到是否因太太周家蔚擔心他的安全才有此決定？他說：「老婆好開通，反而係自己擔心安全。」