名模Mandy Lieu派出日模清穗久美子（Kumiko）及韓模金愛妍（Kim）聯手出寫真進擊今年書展，並以「天然胸」為賣點。「雙K」於寫真中半裸浸浴兼趷籮，實行終極一脫！同期出寫真的本地薑蕊蕊看過照片後，寸爆「天然胸」看起來有點硬，並意有所指的說：「佢個國家專造靚人。」

蕊蕊句句有骨，寸「雙K」有造假之嫌。

Kim（圖）與Kumiko以「天然胸」為賣點，誓在寫真戰突圍而出。

Kumiko半裸出浴，男粉絲定必睇到眼凸凸！

日模 清穗久美子
清穗久美子玩透視誘惑，盡展美好身段。

金愛妍濕身誘人，性感程度爆燈！

過江龍Kumiko及Kim，早前赴泰國布吉為首本聯合寫真取景，並在短短7天的外景拍攝期換上逾50套泳裝和內衣，製作費高達六位數字！她們的寫真照昨日曝光，當中不乏身穿透視喱士內衣或比堅尼、半裸浸泡泡浴、在床上「典床典蓆」及自摸偷窺等性感照，令人想入非非！兩人的D Cup「天然胸」殺傷力驚人，她們說：「已經試勻過百套若隱若現、See Through、Lace嘅睡衣，保證香港男士睇完有不一樣嘅反應！」

半裸上陣的她們笑稱因過於用力遮胸，結果齊齊抽筋，Kim笑說：「喺梳化作狀趷籮時用錯力，大髀同Pat Pat即時抽筋！」Kumiko則說：「拍泡泡浴時喺浴缸扭腰擺Pose，搞到大髀內側同小腿一齊抽筋！」此外，經理人本來擔心文化背景不同，兩人接受的性感尺度或有不同，豈料她們卻自行要求半裸上陣，更毋須清場。問到會否擔心淫審處勒令寫真包膠袋？他說：「只係意識上比較Sexy，尺度絕對唔會有問題。」

嘲人造人難認樣

不過，o靚模蕊蕊昨日看過照片後，寸爆「天然胸」涉造假：「好似有啲唔自然，『天然胸』係佢哋話啫！我覺得有啲硬！（靚唔靚？）拍出嚟梗係靚，佢哋國家專造靚人。（對自己寫真有冇信心？）有！我係本地人，大家認得我，認唔認得佢哋就唔知。（點睇日韓模來港發展？）OK，多啲選擇，平時少影呢啲嘢。我本寫真係激罕，入行以來最放一次，到底線、Sell性格。」至於另一o靚模「藍莓」劉俐亦自認有「天然胸」，但對「雙K」不予置評，只說：「我全身均勻，仲有42吋長腿添，性格活潑嘛！」

其實「雙K」已來港工作多年，Kumiko更捱足10年，今次推出寫真可說是捱出頭！她重提初來港時冇人冇物，工作別無選擇：「初嚟到時冇錢，要同人分租住劏房，後尾多咗工作儲到啲錢先可以上樓。租嘅地方只可以係新界啲平樓，最近先搬番入市區！為咗Keep Fit，我成日要節食，戒蒲保住個樣！」Kim則來港僅一年，因語言不通而諸多不便。