DaDa陳靜及周麗淇等出席友人的愛情新書發布會，DaDa表示愛情有甜酸苦辣，問到現階段是何種味道，她笑說：「依家係甜！（拍緊拖？）未正式開始。（富二代？）唔係，佢係做金融，都係返工打工，其實我哋識咗好耐，不過仲互相了解中。（欠缺乜嘢？）距離，我之前都試過分隔兩地，想睇清楚啲，唔想嘥時間。（欣賞佢乜嘢？）可能係Timing，我想拍拖，咁啱大家又冇男女朋友。」

陳靜（圖）及周麗淇都在蜜運中，恭喜晒！

周麗淇

而同場的周麗淇則表示以前不懂處理感情問題，會感到壓力，問到可會覺得好男人如鬼古的鬼般聽過但未見過，她笑說：「我有見過，其實兩個人冇話啱唔啱，最緊要係夾唔夾。（依家呢個好好？）正常啦！（有冇結婚計劃？）遲啲先啦！我好享受依家，唔使改變住。」對於名模Amanda S.離婚，她認為感情是兩個人的事，最重要是當事人開心。