無綫藝員林芊妤（Coffee）早前與富二代發生「Gathering」事件，昨日她返無綫被高層樂易玲「照肺」，結果被終止合約，但獲公司恩恤發放約六萬元的薪酬。

Coffee被樂易玲「照肺」兩粒鐘後即被炒。

樂易玲

Coffee急步返回公司，神色凝重。

昨日十一時五十分，Coffee以「清純」打扮抵達電視城，問到是否遭無綫解約？她神色凝重，未有回答。被樂易玲「照肺」近兩小時，Coffee離開時承認與無綫已經解約，生計未有打算：「好多謝公司六年嚟嘅栽培，今次係好大嘅教訓，亦係好大嘅誤會，發生呢件事應該第一件事返公司解釋，但自己係小朋友冇好好處理。公司對我好好，好多謝呢段時間真係關心我嘅人，其實冇咩好講，件事過咗咁耐，畀啲空間我同屋企人啦。（向錢國偉求助？）呢啲係後話，依家要休息。」問到一齊「Gathering 」的富二代是否其男友以及有否聯絡？她則沒有回應，又指剛失業，希望傳媒不要跟車追訪，不想嘥錢兜圈。但據知，她已獲無綫發放餘下六個月合約的薪酬。

樂小姐冇發火

提到藝人林師傑傳車震也未被無綫解約，Coffee指尊重公司決定。她離開時電召的士，但卻上錯車。其後她乘的士到西貢一個停車場，突然下車兩秒，然後折返車上到西貢一個屋苑，此時多名保安跑出來「護駕」，擾攘一輪後的士再駛到深圳灣邊境，趁傳媒被警方查問時離去。

事後Coffee接受電話訪問說：「樂小姐冇鬧我。佢認同今次係我嘅私事，亦同佢解釋咗唔係自我炒作新聞。（有喊？）就算喊，係因為浪費咗六年時間。之後會教番瑜伽，早排閉關停工，損失近六位數收入。」無綫製作資源部總監樂易玲則說：「同藝員部經理同佢傾咗一段時間，佢好接受公司對佢嘅決定。公司都擔心佢經濟有問題，所以恩恤發放餘下薪酬。」企業傳訊部副總監曾醒明則表示：「樂小姐同佢詳談過，大家明白對方立場，最後即時終止合約。」