世界盃最後八強誕生，不少星級球迷如張智霖及錢嘉樂都有支持的球隊，分別力撐德國、巴西奪冠。而身在巴西採訪的苟芸慧則深受當地外國記者歡迎，連「喊樣」都吸引他們追訪！

於巴西直擊世盃的苟姑娘，大受外國傳媒歡迎。

張智霖睇好德國隊攞冠軍，大讚他們整體表現超班。

有西班牙記者以「喊得最靚的女仔」為由訪問苟姑娘。

娛樂圈星級球迷張智霖（Chilam）、錢嘉樂及羅鈞滿都有追看世界盃，八強賽事即將展開，Chilam坦言對晉級賽果感到意外，大讚已被淘汰的尼日利亞及不少被視作弱隊的球隊都表現出色：「我今年睇好德國會攞冠軍，佢哋整體表現同技術都係一班。」而錢嘉樂亦有留意昨日凌晨的兩場比賽，尤其比利時對美國的賽事，他認為兩隊都不想打和，只是美國未能把握機會而輸波：「我最支持係巴西，希望決賽戲碼係巴西對荷蘭。」羅鈞滿表示有收看阿根廷對瑞士的賽事，坦言替瑞士感到不值：「加時嗰陣瑞士有一球差啲追和，不過撞柱再出界，我好欣賞美國門將侯活，因為一場比賽佢救咗十幾球，冠軍方面我支持哥倫比亞。」而黃翠如坦言對所捧的巴西感到失望，希望之後整體組織有改善。

讚對方浪漫

此外，現時於巴西採訪的苟芸慧深受外籍傳媒歡迎，早前西班牙輸波令她相當失望，更忍不住落淚，結果吸引西班牙記者以「喊得最靚的女仔」為由訪問她。而除了西班牙外，苟姑娘亦接受過芬蘭及巴西記者訪問，對於大受外國人歡迎，她笑說：「我啲同事笑我，話喺巴西受歡迎，不如留喺巴西發展。我覺得只不過嗰刻咁啱撞到一個浪漫嘅西班牙記者啫！」