莊思敏（Jacquelin）昨日為品牌開幕發布會擔任司儀，她表示今年工作上多作新嘗試：「好似自己製作微電影同拍劇，雖然係客串電視劇形式，但都好開心，劇入面做律師，同姚子羚做對手戲，我哋識咗好耐，但未合作過，都幾得意。（子羚有冇教路？）咁又冇，導演話我講對白太快，我都發覺要字正腔圓講對白時會更快！（妹妹莊思明有冇指導你同交流演劇心得？)冇，佢好多秘密。（有報道話黎諾懿笑思明要隆胸？）我同阿妹有傾電話，佢冇嬲，因為佢哋好Friend。（佢有冇需要？）冇咁嘅需要，佢OK喎！況且佢又怕痛又怕癢。」而問到有否留意子羚搭上文詠珊緋聞男友的士行太子爺鄭子邦的新聞時，她表示已取笑子羚：「只係齋吹段新聞，不過我都有問佢，佢話唔係，我哋當笑料一則。」

Jacquelin為開幕發布會擔任司儀。