藝人黃美棋、胡鴻鈞及姜麗文前晚出席世界盃活動，對於被指早前與緋聞男友鍾健威各自拍有線節目，但現身同一地方，她說：「我病嘛，可能有線怕我臨時拍唔到，安排佢嚟隨時頂替我！（陪男友鍾健威睇波？）佢唔係我男友，係朋友咋，冇陪佢，各自睇啦，咁夜！（上你屋企睇？）我唔係咁隨便嘅女仔！」而胡鴻鈞表示對睇波非常自律：「如果第二朝要開早，會好克制，唔睇波去瞓覺！」姜麗文則稱將簽唱片公司，問到是否鋪路以歌手身份返無綫？她說：「我依家都可以返，我係想寫歌、錄歌啫！」

姜麗文（左起）、黃美棋和胡鴻鈞一齊迎接世界盃十六強賽事。