昨晚的世盃十六強賽事分別由法國及德國勝出，德國擁躉徐子珊坦言會坐定定欣賞德國的八強賽直播。身處巴西的高鈞賢及張秀文日前到沙山騎以球星命名的騾仔。

昨晚錯過世盃直播的徐子珊，表示要坐定定欣賞德國的八強賽直播。

張秀文

昨晚世界盃進行十六強賽事，最終德國加時以2：1踢走阿爾及利亞，法國則以2：0掃尼日利亞出局，雙雙出線進身八強。身為德國球迷的徐子珊昨晚因參加樂易玲生日會而未有睇直播：「有睇番即時新聞報道賽果，遲啲德國嘅八強賽一定會睇直播。」睇好德國捧盃的黃德斌笑說：「我睇球星多過睇波，今年我最睇好荷蘭嘅洛賓。」陸浩明雖力撐德國，但亦大讚阿爾及利亞有體育精神：「賽前被看低，但球員紀律、反攻、毅力都令人讚嘆！阿爾及利亞雖然輸了，卻贏盡球迷掌聲！」

苟芸慧「法」力「絕食」

熱捧法國的苟芸慧「絕食」支持愛隊：「飯堂不吃飯，只想看球賽，法國Vs尼日利亞，Go法國！」洪永城亦於Instagram表態支持法國，更稱法國贏尼日利亞是應分。而在巴西直擊世界盃的高鈞賢及張秀文日前到沙山騎騾仔，因當地的騾仔每隻均以球星命名，本想揀「尼馬」的張秀文卻被高鈞賢捷足先登，惟有改騎以日本國腳「本田圭佑」（Honda）命名的騾仔，她笑言怕高鈞賢壓親騾仔：「我哋去沙丘玩衝沙，吹到一面沙，食到成肚都係，真係早餐都唔使食，但真係好刺激！」