與蕭正楠（Edwin）蜜運中的黃翠如昨日偕洪永城以「情侶檔」出席活動，問到有否獲邀跟「正印」情侶檔？翠如說：「要問公司先知。（搵就會做？）要問經理人。（你唔介意？）我乜都冇所謂，因為嚟緊有劇出街都要宣傳。」

黃翠如晒畫功，個樣乜咁似蕭正楠嘅！

洪永城扮搞鬼公仔，又扮得幾似。

對於夥拍Edwin酬金更高，她笑說：「同洪永城嘅價都唔錯，但主要啲錢喺我度。（同男友可能全數歸你？）都唔錯喎！（啲數你管？）我對數字唔敏感，啲錢都係父母管。」因洪永城趕拍新劇《天眼》，翠如坦言久未見面掛住對方，又爆他身體孱弱一撞就瘀，有大量動作戲的洪永城則反駁：「抱、攬、阻人前進都當打鬥，我流晒汗，幾想搵替身！」並讚同劇的陳展鵬又Nice又EQ高，不會是犯眾憎。