今屆寫真戰可謂o靚模老嫩大激鬥，第四年推出寫真的黃榕再接再厲「裸命」引宅男，更大膽剝光豬面對鬧市，僅以C字褲遮掩下身，嘩然指數贏晒！至於o靚模組合冬甩大賣青春氣息，年僅19歲的成員Elise只以一條毛巾遮胸，同樣搏命！

黃榕僅以C字褲（圓圖）遮掩下身拍攝，最近受不少潮人熱捧！

黃榕力撐照片有藝術感，完全不低俗。

19歲的Elise僅以毛巾遮胸，為寫真搏到盡！

Elise笑言男友不知她如此性感。

冬甩的寫真食正世盃熱，大玩撕波衫誘惑。

寫真戰殺到埋身，一眾o靚模鬥露肉鬥噱頭，希望得到宅男粉絲垂青，當中第四年推出寫真的33歲熟女黃榕未現疲態，面對未夠20歲o靚模的挑戰，依然相當胸狠！「寫真界元老」黃榕今年以跳舞及藝術為主題，最激一輯相的「裸命」程度爆燈！她身處高20多層樓的鋼管舞場落地玻璃前剝清光，全裸面對觀塘鬧市，上身靠角度遷就避過走光，下身只穿上絲襪及襪帶，敏感部位則以C字褲遮掩，非常性感！首次穿C字褲的她坦言十分尷尬：「同冇着嘢冇分別咁，事前做晒清理工夫，好尷尬！加上我對住玻璃影相，都驚下面啲人望上嚟，附近有游泳池同差館，好彩應該冇人望到，我係咁催攝影師影快啲！」而黃榕昨日出席網絡紅人朱壽仁（朱主席）的亞洲粉絲會成立活動，二人跳唱《擋不住的風情》鬥走音及大跳辣身舞，最後黃榕被朱主席抱起時，更露出黑色打底褲。

另一邊廂，主打青春的o靚模組合冬甩趁世界盃熱，主將陳芷敏（Elke）、陶嘉瑩（Elise）、鄭安那（Biona）及金慧君（KamKam）大玩撕波衫誘惑，當中擁有32C上圍的19歲成員Elise最搏，只靠一條足球毛巾遮胸，她笑言拍拖四年的男友並不知她如此性感，但相信對方夠開通！冬甩又寸爆對手老：「佢哋年齡平均大我成10年以上！佢哋應該早多十年出寫真啦！」

撐有藝術感

此外，部分寫真已通過淫審處審批，黃榕、仙樂都、蕊蕊及劉俐的寫真暫被列為I級，即讀者沒有年齡限制，四女均開心搶認老少咸宜，黃榕說：「我係有全裸相，但好有藝術感覺，完全唔低俗！」仙樂都則說：「我之前抽起咗兩張較激嘅相先過到關，但仲有兩星期先會收到正式信，所以未敢太高興住。」