「警鐘胸」Jessica C.師妹Asha是愛貓之人,自小與父母在家中養了3隻寵物貓,她笑說雖然大頭蝦,但當要照顧貓時卻判若兩人︰「雖然平時成日唔記得嘢,但我照顧貓時會着緊好多,身邊朋友都覺得出奇,問我咁大頭蝦點養貓,但佢哋見我照顧貓時唔會再咁講。」充滿愛心的Asha雖然家中已有3隻貓,但不怕辛苦,仍為慈善機構照顧貓,她說︰「依家幫慈善機構照顧剛出世嘅貓,見到佢哋慢慢長大,自己都好開心。」提到早前父母家的愛貓逝世,全家人都心情低落,她說︰「因為嗰隻貓陪咗我哋十幾年,係『老人家』,而且每次我哋出門都會嗌,叫我哋陪佢,真係好得意,而爸爸係最唔開心嗰個。」

Asha為慈善機構照顧初生貓,愛心爆棚。