前年誕下女兒的陳自瑤湊女工作兩頭忙，雖然她與老公王浩信喜愛小朋友，但她卻大嘆養小朋友開支大。

為了贏在起跑線，YoYo努力為女兒搵名校。

雖然忙碌，但YoYo很享受邊湊女邊工作的生活。

YoYo與王浩信非常愛錫女兒王靖喬。

圈中不少星媽組織幸福小家庭後，都不甘長留家相夫教子，反而選擇繼續工作，無綫藝員陳自瑤（YoYo）也是如此，與王浩信結婚及誕下女兒王靖喬後，本來湊女已經夠忙，但她依然返無綫拍劇，雖然忙到爆，卻非常享受這種生活，她說︰「我OK嘅，因為從來都唔想做家庭主婦，如果唔出嚟做嘢，會同社會脫節，而且我有工人幫手，媽咪又會幫手睇住，出去做嘢都會放心。」

報讀6間幼稚園

話雖如此，但YoYo始終把家庭放在首位，她說︰「因為小朋友細，成長有父母陪伴好重要，依家我會將家庭同工作攞個平衡，兩方面都有唔同樂趣。」提到兩公婆都愛小朋友，問到有否共識生多個，她笑說︰「隨緣啦！佢（王浩信）都幾鍾意BB。」但她大嘆養小朋友開支大︰「依家年代唔同，以前好多嘢都唔係太講究，好似又要搵一間好啲嘅學校，又有好多嘢要學，有時真係顧唔到咁多嘢！」

YoYo笑言早前為兩歲多的女兒搵學校而煩惱，更一口氣報了6間幼稚園︰「周圍問人邊間好，又去上考試班，睇吓學校面試考啲咩，好在唔係好難，所以都冇咁大壓力。」