Ana R.捱餓睇畫

名模Ana R.日前以性感透視裙出席活動，與一眾模特兒欣賞藝術家Britto的畫作，略帶疲態的她向《ontv東網電視》自爆正進行排毒療程：「要做三日，今日係第二日，其實進行期間應該瞓低休息，唔應該做嘢，我依家覺得好肚餓，所以行動有少少緩慢，但整體OK。我每年會做一次，今次係第三次。」談到近期的世界盃熱潮，愛足球的Ana笑言還有精力睇波，西班牙及韓國雖已出局，但她仍支持：「因為我爸爸係西班牙人，而媽咪係韓國人，我老公係英國人，佢支持英格蘭，但英格蘭出唔到線，佢好唔開心同失望。」