孖妹跳唱組合AOA的大Ann(吳燕珊)及細Ann(吳燕菁)向來主攻樂壇,早前細Ann在劇集《女人俱樂部》中飾演「少年江欣燕」Cyndi而人氣急升,她希望一眾M Club少女演員可以再度合作,並提議加入家姐大Ann,扮演其失散姊妹。未嘗初戀的大細Ann羨慕好友陳嘉寶及王敏奕有拖拍,自爆買桃花兼玩塔羅牌占卜,希望盡快開齋,細Ann說:「以前我哋細膽啲,父母唔畀咁早拍拖,我哋又宅,所以冇拖拍。」大Ann則說:「我以前花名叫冰山,好Cool唔笑,但依家唔會,我都可以好熱情!」問到擇偶條件,大Ann喜歡幽默有愛心的陽光男,細Ann則情傾思想成熟的斯文男。

大Ann(右)及細Ann自爆買桃花及玩塔羅牌占卜,希望盡快有拖拍!