o靚模Bonnie（梁晶晶）今年放棄出寫真，聲稱現在的寫真已經變質。不過，私下的Bonnie繼續性感，早前更在左手手臂紋上「Successful」一字，提醒自己做每件事都要成功。

梁晶晶坐在椅子上睇紋身師傅「繡字」，一臉從容。

梁晶晶於手臂紋上「Successful」，提醒做每件事都要成功。

梁晶晶表示只會為自己紋身，不會紋「愛的紋身」。

o靚模Bonnie（梁晶晶）去年在寫真戰中，因與台灣型男柯震東傳緋聞而成功搶鏡，眼見一眾o靚模出盡騎呢招數，「漏M」、「飛釘」來博見報，Bonnie也不屑與她們「混戰」，故反覆思量後決定今年退出寫真戰，她說：「我覺得寫真集已經變咗質，以往大家係想睇靚女、睇身材，依家啲寫真好似鬥騎呢、鬥古怪咁，所以唔想人哋覺得我同佢哋一樣，佢哋啲宣傳手法真係好核突，搞到我都唔係咁想出！」

而久未露面的Bonnie私下仍繼續性感，早前先在左邊心口紋上「Love me if you can」，嫌未夠喉的她其後更在左手手臂紋上「Successful」。

面無懼色

身穿小背心、熱褲的Bonnie，坐在椅子上靜觀紋身師傅「繡字」，面無懼色兼一臉從容，她說：「咁啱幾個月前識咗個紋身師傅，又咁啱個Mood到諗住紋身，所以就紋咗個『Successful』落手度，希望時刻提醒自己做每一樣嘢都要成功。」問到會否為男友紋身？她說：「紋身就梗係為自己啦！我唔會咁傻為其他人而紋喺自己身上囉！」