樂隊Yellow!日前拍攝新歌《圍圈》MV，大讚新唱片公司肯落重本製作，除邀得外籍女模外，更出動價值三百多萬元名車：「新公司令我哋製作歌曲同MV都多咗資源，可以帶畀歌迷更有品質嘅作品。」他們更碌盡「友情卡」邀請好友客串演出，低音結他手何兆基（Chris）笑言拍MV如同開派對：「有一場戲講我哋好開心咁開Party，飲飲食食，香檳噴到周圍都係。」

公司出動三百多萬元的名車拍攝，認真揼本！

Yellow!的新MV邀得多位好友客串演出。

不過，MV中的索爆女模卻跟Yellow!有緣無分，因導演沒有安排他們演對手戲，主音小胡笑說：「因為有個朋友連自己嘅電單車都借出嚟，所以抵佢贏啦！畀機會佢同靚女合作！」至於結他手Wilson表示，上次拍MV已享盡溫柔，故今次近女色的機會便留給朋友。而鼓手亞銘請得孖生弟弟客串演出，但坦言與弟弟合作感覺有點怪。