書展即將殺到，一眾模又再蠢蠢「肉」動，推出寫真強攻宅男。但模特兒羅頌欣卻唱反調，出書教人扮靚，與露肉的模劃清界線，開發姊妹市場。

羅頌欣將於書展推出新書教扮靚。

羅頌欣坦言不怕曬黑，夏天愛到沙灘與陽光玩遊戲。

羅頌欣揀比堅尼都有特別喜好，性感之餘都要靚！

夏日熱辣辣，最啱就是到沙灘進行「夏水禮」，國際旅遊小姐季軍羅頌欣（Debbie）卻不怕曬黑，愛到沙灘與陽光玩遊戲，更會特別配襯夏日水着Look：「一到夏天都會做啲運動Keep吓身材，同埋揀比堅尼都會揀啲有特別Style、特別Cutting嘅款，例如有啲連位，或者可以着比堅尼加紗裙咁。」

無懼被標籤

不少模一到夏天便「胸」群而出，於書展推出寫真，問到會否推出性感寫真？Debbie說：「有美感就OK，唔好太過意識不良，我唔Prefer影食雪糕嗰類相，好容易令人諗歪。」她又透露書展亦會出書，不過並非寫真集：「本書主題係講Fashion，我會喺書入面教人唔同場合點着衫，例如教女仔點樣着泳衣着得靚。」問到會否擔心被標籤「模」？她笑說：「模即係指後生，如果讚我後生都冇問題嘅，其實做模都冇乜問題，係睇你做啲咩、影啲咩出嚟啫！」