徐子珊在新劇《點金勝手》重操故業演警探，為怕觀眾看得重複，她在角色上花了不少心思，加入日常生活細微動作，以減低角色沉重性。談到劇中為接近黃宗澤假扮同性戀者，又要向胡定欣獻吻，子珊笑稱與女仔Kiss也不及在鏡頭前背部全裸：「拍嗰時我親身上陣，開頭唔知咁激，諗住係露膊頭，點知拍之前兩日，導演話要全露背，真係好愕然！因為我未拍過咁樣！」

徐子珊笑言裸背戲比咀女戲更激！

為遷就鏡頭，子珊只能在正面上半身黐膠紙：「定欣見到幾想笑，但Roll緊機要忍笑，當日錄影廠全男班，我即刻同服裝同事求助，除衫就簡單，點樣蹲低執番件衫先係重點，呢幕底線比咀仲勁。」對於再度與黃宗澤合作，她以「憎」字形容：「以前同佢拍嘅都好浪漫，今次係互相鬥爭，到好後期先有愛，所以我成日都要好憎佢！」對於被指與富二代新歡歐遊慶生，她笑言同場有大班朋友：「梗係唔係拍拖！真係莫名其妙！（富二代？）唔知！我識朋友唔會知人哋係咪有錢囉！」