張名雅（Carat）於《2012年香港小姐競選》中勇奪冠軍後入行，大晒美背及長腿的她竟自爆平時懶得保養靚樣：「我基本上唔做Facial，見皮膚乾就敷睡眠面膜同瞓覺。」她又大爆夏天將至故不敢偷懶做運動：「我以前跳肚皮舞有六舊腹肌。（依家冇咗？）畀番晒老師喇！所以依家有時間就會跑步同焗桑拿『一條龍』，咁做皮膚會更緊緻，夏天就唔使驚着唔到比堅尼啦！」
Carat密密跑步，操靚線條。
