孔令政美國影展叫雙飛

香港新進導演孔令政（James）執導的首齣電影《第七謊言》，榮獲《巴塞隆拿電影節》頒發「評審團獎項」，又入圍美國費城《Philadelphia Independent Film Festival》，角逐「最佳電影」（Best Feature）及「最佳導演」（Best First-time Director）獎項，電影未正式公映，已經獲外國多個影展垂青，James說：「呢個係我哋部戲首個角逐嘅獎項，台前幕後都覺得好振奮，為我哋打咗支強心針。（有信心喺費城攞獎，雙喜臨門？）費城影展主席Benjamin Barnett話我哋套戲係唯一角逐嘅華語電影，亞洲代表仲有部日本電影，我抱平常心，有得角逐獎項對新電影人嚟講已經好有推動作用，新導演特別需要專注同堅持理念，我唔會留守原地等人認同，影展肯定咗我哋一直以來堅持努力、勇往直前嘅決心。我開心套戲喺外國有好反應，套戲之前喺美國導演工會搞過放影同討論，當地影評人、監製等評價都唔錯。6月底我會去費城，男主角鄭中基要開工拍戲，太忙抽唔到時間，我會留喺嗰邊等埋公布賽果。」

8月香港優先場

James又透露《第七謊言》有機會讓香港觀眾先睹為快：「《第七謊言》傾緊10月喺香港上映，但依家同香港國際電影節嗰邊傾緊，可能8月《夏日電影節》喺香港做啲優先場！」