苟芸慧與陳貝兒最近在巴西拍攝世界盃節目時遭球迷非禮，將赴巴西睇決賽的李克勤，揚言「勒令」老婆盧淑儀包到冚着長袖、樽領衫以減低遭抽水機會。

克勤即將赴巴西睇世界盃。

稍露本錢的黃翠如表示，拍攝時甚少被抽水。

郭偉亮揚言要告別「Iron Man」造型。

李克勤、黃翠如、郭偉亮、張慧儀、江欣燕與陳嘉寶等前晚在將軍澳出席《2014 TVB最受歡迎電視廣告頒獎典禮》，克勤將偕妻盧淑儀到巴西睇世界盃決賽，談到苟芸慧與陳貝兒在巴西為無綫直擊世界盃時遭瘋狂球迷非禮，克勤說：「到時會叫老婆着長袖、樽領衫，同埋唔去沙灘，好多灰色地帶嘅，都唔知啲球迷有心定無意。」

翠如奪「女主角」獎

早前克勤有份出席《2014勁歌金曲優秀選第一回》，對於當時原本綵排的容祖兒突遭叫停並由謝安琪上台綵排，祖兒感到不被尊重，英皇遂拉隊離場，事後節目導演亦被炒。當日與祖兒綵排的克勤笑謂當時時運高，甚麼也看不到：「我綵排後返咗後台，冇睇到、冇聽到，同祖兒唔係好熟，冇問佢呢啲。」

另外，郭偉亮與黃翠如分別奪得「最受歡迎男、女主角」廣告大獎，問黃翠如可有信心在無綫台慶頒獎禮攞獎，她即說：「唔敢諗，起碼等多十年八載啦，依家諗太早喇！」不時在外地拍節目的她表示甚少被「抽水」，自嘲沒有吸引力。而郭偉亮因貌似「Iron Man」主角而獲帶挈拍廣告，但透露完成演唱會後不會再扮：「啲小朋友以為我真係Iron Man，唔想再呃佢哋，好多謝網民畀呢條橋我，我已抽水抽到離晒譜，抽到拍廣告、攞埋獎。」他更指因而惹女注目，令老婆葉佩雯呷醋。