歌手蔚雨芯(Rainky)與師弟王顯聰(阿聰)早前殺入電影圈,飾演反叛啞女的Rainky笑言學手語並非最難的關卡:「最難係扮曳呀,因為我喺屋企負責湊細佬,學校就做風紀,最曳都係因為啲餸唔好食而同屋企人鬧交。」阿聰則憶述跳舞令他「變乖」:「以前好曳,跟咗狄易達學跳舞之後,都冇精力曳喇!」

平日做慣乖乖女的Rainky被反叛角色考起。

阿聰與師姐Rainky拍攝時齊齊扮鬼臉,相當合拍。

提到早前傳出Rainky與舊東家「鬧不和」,如今簽約新公司的她重新出發:「始終我係為咗唱歌而入行,會繼續唱落去,反而唔想大家只記得我叫『魔鬼胸』!」