憑「Rap」功在美國打響名堂的歐陽靖（MC Jin）即將在當地再出新碟，他決定大搞新意思，破天荒舉行套票活動，讓樂迷買碟後與偶像打波或共進午餐！

一向重視與歌迷互動的MC Jin，今次力邀歌迷為新碟提供創作意見。

MC Jin出新碟之餘，更由歌迷「發辦」任揀售後服務。

於2012年榮升爸爸的MC Jin毋忘歌唱事業，積極製作於十月推出的新碟。

早在2002年參加比賽而在美國及香港Hip Hop界聲名遠播的MC Jin，除以Rapper身份勇闖本地樂壇外，近年亦成功打入電視圈，直到2012年榮升爸爸後，才返回美國做廿四孝爸爸照顧囝囝。一直沒忘記歌手身份的他，選擇邊湊仔邊製作第二張個人英文大碟《14：59》！

直擊製作過程

雖然大碟定於十月推出，但Jin為配合大碟宣傳，率先與當地的網上音樂平台合作，破天荒讓全世界的歌迷近距離直擊《14：59》的製作過程：「今次唔止出唱片咁簡單，會邀請歌迷參與，佢哋可以透過網上喺創作到發行嘅過程上提供意見，希望成隻碟大家都有份出力！」

除讓樂迷提出新碟的製作意見外，Jin笑言已構思更有趣的「售後服務」：「大家除咗可以網上預購我隻碟之外，仲有各式各樣嘅套餐畀樂迷選擇，例如同我食飯、要我陪打籃球、每日定時收到我嘅短片、將樂迷個名印喺唱片上或者參與拍MV等，總之會盡量滿足大家嘅要求。」