女歌手梁佑嘉（Abella）去年跳入大銀幕，長居北京拍劇及電影，她表示在新古裝電影中將首度飾演王后：「之前做過妃子，今次終於『升呢』，電影入面我有個仔，都幾大個，所以我有問多啲媽咪級嘅朋友拎經驗。」她又大爆劇中角色要使用暴力：「我喺入面要親手打人，又要打又要摑！」

Abella不想發展異地戀，縱使是在內地亦要考慮。

Abella早排獲內地男生追求，但了解後才發現對方已有女友，險做小三的她說：「我差啲變咗小三！不過我哋又未開始，都唔算話呃我。（有其他人追？）都有嘅，但我唔想發展異地戀，成日兩邊走，好難維繫感情。」