藝人邱美薇早前到酒吧消遣，友人突與人爭執令她無辜被打，令她發現原來學識保護自己才是最重要。日前她拉埋吳雲甫齊齊學自衞術，因拍攝《愛．回家》而結緣的二人更是「不打不相識」！

邱美薇及吳雲甫愈打愈Friend，更齊齊學自衞術傍身。

邱美薇及吳雲甫（左）跟師傅學自衞術，十分認真。

邱美薇認為女仔學自衞術可保護自己，避免再被誤打。

邱美薇（Chelffy）早前在酒吧消遣遇襲，當時被人用拳頭打中額頭的她當場暈一暈，事後才發現女仔要學識保護自己。問到為何打算學自衞術？她笑說：「畀人打完囉！哈哈！自從上次畀人打完額頭之後，好多師傅都問我學唔學番一招半式傍身！我都想學泰拳，所以咪試吓學自衞術囉！」

學自衞術傍身

而作為Chelffy好友的吳雲甫（Owen）曾在加拿大當兵，當兵期間曾學習自衞術的他，笑言今次要做好友的沙包：「自衞術係我喺加拿大當兵時學嘅，我覺得幾適合女仔學，因為女仔唔夠男仔大力，一定打唔贏，自衞術就好似『四両撥千斤』咁，呢個方法真係唔錯！」

Chelffy表示與Owen是拍攝《愛．回家》而認識：「我飾演一個畀佢追緊嘅女仔，點知發現佢同時追緊另一個女仔，嬲起上嚟就摑佢一巴！」Owen聞言即說：「第一次佢都係扮打，但係真係太假，於是我就同佢講不如你真打啦！佢就真係一巴打過嚟！」問到二人有否機會再合作，Chelffy表示暫時未有，但希望將來有機會合作。