武打女星陳鈺芸（JuJu）最近代表香港隊出戰尼泊爾國際跆拳道聯盟亞洲賽，更成功揮低對手，勇奪銅牌！載譽歸來的她自爆出發首日就頭頭碰着黑：「喺印度轉機延遲咗八個鐘，到埗後酒店每日只係供幾個鐘電，要點蠟燭先沖到涼，搞到全程似拍鬼片！」幸得熱情的尼泊爾代表隊選手帶她遊山玩水，令她「叉足電」回復狀態：「佢哋帶我四圍玩，又同我喺森林切磋功夫，令我心情好咗好多，比賽時發揮實力！」
成功獲得銅牌的陳鈺芸與尼泊爾選手遊山打拳定驚。
