影帝張家輝於首部執導作品《盂蘭神功》中，與女主角劉心悠有接吻及親熱戲。問到家輝會否擔心招心悠的粉絲妒忌，他強調有劇情需要：「情節唔激烈亦唔露骨，只係交代感情，電影唔係情慾片，都唔係用嚟譁眾取寵嘅！」他大讚心悠是一個好演員：「有睇佢近年作品，真係愈做愈好，做事好認真，又有追求，對自己亦好嚴謹！」問到有否信心憑《盂》片提名「新進導演」，他謙虛地說：「演戲咁多年，有提名都唔會諗咁多，何況做導演仲咁幼嫩，諗獎太奢華！」於戲中有大量「鬼上身」情節的心悠透露個人戲有難度：「起初我都唔知個方向點做，同一時間要兼顧鏡頭、表情同肢體比較難，有場戲我要成個人浮喺空中，好考體力！」

與心悠在《盂》片鬥戲的家輝謙稱未夠班拎新進導演獎。