o靚模組合冬甩今年的寫真食正世界盃熱，大玩球衣誘惑！直認足球初哥的四位主將Elke、Elise、KamKam及Biona更揚言不介意陪男友睇波！

KamKam（上排左起）、Elise及Biona着比堅尼晒身材，而「大師姐」Elke則繼續Sell清純。

支持巴西的KamKam叫球星尼馬做「草泥馬」，非常貪玩！

由o靚模組成的冬甩堪稱寫真界常客，推出寫真集多年仍每年換血，為粉絲帶來新鮮感！今年四位主將Elke（陳芷敏）、Elise（陶嘉瑩）、KamKam（金慧君）及Biona（鄭安那）均有影寫真經驗，以青春氣息力戰對手的四人各有新噱頭吸引讀者！

惡搞花名

為迎合世界盃盛事，寫真集將大玩足球Feel，玩撕波衫及面上彩繪，第三年參戰的Elise更挑戰性感尺度，僅以毛巾遮胸，勢令宅男流鼻血！對於足球知識，四女都自認初哥，Elke搞笑地說：「有同屋企人睇波，但只知要踢個波入個網，一入波就會一齊嗌！我支持美斯，因為佢好靚仔！」Elise則自認是英格蘭球迷，希望愛隊捧盃：「最記得細個中咗獎去商場睇波，大家喺塊面畫國旗畫到好靚！」而KamKam表示支持巴西，更為巴西球星尼馬改花名做「草泥馬」，認真貪玩！

四女表示從未有男友只顧睇波而忽略自己，但齊聲表示不介意做「跟得女友」，Biona說：「我會陪男友睇，融入佢嘅世界，一齊睇波好熱鬧吖！」而KamKam則自言沉迷打機，不介意各有興趣。