樂隊RubberBand（RB）早前在新城DJ李國能的節目《音樂通世界》中大談新碟《Frank》，成員泥鯭表示新碟主題大玩坦白：「記得另一成員6號第一次踏上頒獎台嘅一句說話『坦白面對自己』，最後成為咗全隊Band嘅座右銘。」提到各人要坦白公開的事？6號說：「細個住深水埗，但成日呃人話住長沙灣，覺得聽落冇咁窮，我細個太過比較，唔接受自己出身。」

RubberBand宣傳新碟，大玩有嗰句講嗰句。

至於泥鯭因爸爸性格火爆，故曾隱瞞父母在學校被記缺點的事，但竟強辯自己冇錯：「因為爸爸好惡，佢好小事都拎衣架、飯煲打落嚟，我覺得自己解決咗一次家暴。」阿偉則說：「我小學就暗戀人，記得係隔籬位個女仔，唔開名啦！」阿正就自爆試過在中學時期曠課。