21歲的陳嘉桓早前受青春期困擾，被大批青春痘攻佔靚面 ，她為免嚇親人，要做蒙面俠戴口罩出街，並揚言︰「希望唔好再有第二次。」

陳嘉桓透露於新片飾演後生女，做番自己。

身材高挑的陳嘉桓，自爆又再長高！

樣子甜美的陳嘉桓（Rose）為保靚樣，護膚工夫做到足，但仍敵不過青春期的攻勢。早前忙於內地拍劇的她，由於食不慣當地食物，導致水土不服，加上仍處於青春期，結果滿面被「青春痘」侵佔，十分煩惱。

Rose說︰「之前成面生滿暗瘡，上妝都遮唔到，所以要戴口罩出街。記得最高峰係有最少七粒暗瘡，加上好多暗粒，自己望住塊鏡都唔開心，希望唔好有第二次。」

計劃出旅遊書

除了生青春痘外，本身已達5呎9吋高的Rose自爆又再長高︰「發現自己又高咗，着嘅褲有啲已經吊腳，依家拍戲為主，太高好難搵到對手同我演，以前做模特兒時，就當然想更加高啦！」

談到工作，Rose興奮表示於新片演回自己︰「因為之前演嘅角色都好大個，好似啱啱拍完套內地劇，演30幾歲盛女，但早前套新戲做番20幾歲，有新鮮感。」除了拍電影拍劇，Rose透露將會推出旅遊書，第一站會到韓國拍攝，她直言非常期待︰「好鍾意旅行，今次寓工作於娛樂當然開心，不過本書年底先出。」