「大美人」李嘉欣（Michele）今天44歲生日，粉絲早前專誠為她炮製驚喜，準備了紙糊熊貓與她開生日派對，更準備了3D熊貓蛋糕。粉絲還把網上訂購的44隻紙糊熊貓，以Michele的名義贈給需要幫助家庭的小朋友。

李嘉欣與44隻紙糊熊貓慶生，非常興奮。

她看到可愛的熊貓即興奮地拍照，並高興地說：「好多謝佢哋，真係好有心思！」而向來重保育的她，坦言從小已灌輸正確環保觀念給兒子許建彤（Jayden Max）：「佢嘅圖書、衫同玩具，有部分係由表哥所贈，而且佢生得比一般同齡小朋友高，好多衫、褲都只能夠着一陣，所以我會將唔啱身嘅衫送畀其他朋友。我仲想佢早啲明白珍惜資源嘅重要性，所以食飯會叫佢食晒碗入面嘅飯餸，寫字簿都要每頁寫，又會帶佢去郊野公園親親大自然同小動物。」