黃秋生、黎耀祥、湯鎮業和胡杏兒等主演的重頭劇《梟雄》昨日試造型，監製王心慰透露製作費是天文數字，演一代梟雄的秋生坐正中間影大合照，他自爆今次拍劇三十集酬勞約四十萬。

蘇玉華（左起）、黃秋生和胡杏兒為新劇試造型，傾到笑晒的他們惺惺相惜。

湯鎮業（中）在劇中非常風流，更與唐詩詠及陳煒（右）兩位靚女有親熱戲。

梁琤和黎耀祥的合作令人期待。

由影帝黃秋生、黎耀祥、湯鎮業、胡杏兒和蘇玉華等主演的無綫新劇《梟雄》昨日試造型，劇中秋生、杏兒和蘇玉華將發展三角戀，但沒有咀戲，而霸氣十足的秋生以一身白色唐裝長衫、戴帽造型出現，十足十「葉問」上身。對於被指收40萬一集，秋生笑說：「黐線，TVB 點畀40萬一集，30集加埋就差唔多。」秋生表示劇集將到上海拍外景，酒店和食宿要倒貼十多萬：「打個和啦，差唔多貼錢咁滯，點解咁奄尖？唔係要歎世界、擺款，係為咗休息得好啲恢復體力。」

而胡杏兒則坦言與秋生合作有壓力，但不介意被他罵，認為是進步機會。而視帝黎耀祥自言角色是狂人「癲狗」角色，後期卻變成漢奸，問祥仔演漢奸可擔心觀眾反感而捱轟﹖他說：「唔擔心，觀眾憎恨就證明演得好，呢幾年都係做好人角色，係時候有新嘗試，做反派、做番次衰人。（秋生對製作有意見，同佢相處得來﹖）同佢溝通冇問題，做戲對手好重要，今次都好享受。

湯鎮業風流要備案

而久違無綫螢幕的湯鎮業在劇中則十分風流，「一拖三」陳煒、梁政珏及唐詩詠，除親熱戲還要強姦唐詩詠，他笑說：「收到劇本都嚇一嚇，有十幾年冇拍過呢啲戲，都唔知點算，要同老婆備案。（秋生對製作要求高﹖）會安撫佢，拍電影同電視唔同，我相信佢都唔係為錢而拍，大家都想有好啲嘅製作。（有指秋生收40萬一集？）我少過佢，留番啲做製作費都好。」