陳貝兒昨日凌晨在巴西馬拉簡拿球場傳媒中心拍攝時，百多名智利球迷直闖傳媒中心，貝兒更因而被撞傷，認真動魄驚心！

現場直擊
陳貝兒親身直擊逾百名智利球迷硬闖傳媒中心的經過，觸目驚心！

苟芸慧亦目擊現場的混亂情況！

驚動傳媒

成功制服

陳貝兒

陳貝兒及苟芸慧昨日凌晨（香港時間19日凌晨）在巴西的馬拉簡拿球場進行拍攝時，逾百名沒有門票的智利球迷突破保安防線，推倒場外鐵絲網進入傳媒中心，企圖乘機闖入球場欣賞賽事，期間推倒電視及圍牆，身陷險境的貝兒更被撞瘀手臂及扭傷。

獨家採訪有滿足感

貝兒昨晨與本報記者覆述時表示，開波前一小時她才到達傳媒中心，其後逾百名球迷闖入：「嗰陣好驚，唔知佢哋想點，之後有三、四十個球迷入咗嚟傳媒中心，期間又想爬過圍牆，有啲人畀牆壓住，但拍到片段都好有滿足感！」至於當時正排隊入內的苟芸慧亦目睹球迷直闖的一幕：「冇諗過智利球迷會咁樣，因為之前佢哋都好守秩序，自己都呆咗，好在當時同啲Crew一齊冇受傷！」

無綫體育組監製李漢源昨日受訪時指陳貝兒為拍得實況，一時沒顧及安危：「佢哋做得採訪，個心當時好雄，想拍到現場嘅情況，最緊要安全，都有叫佢哋小心。（加強藝人保險？）保險一早已經幫佢哋買重晒！」

而正於巴西納塔爾的高鈞賢，早前在沙灘嘉年華欣賞巴西賽事，由於巴球迷很緊張，故他看時都驚巴西會輸波因而暴動。