前亞姐羅霖昨日現身活動時，大呻前夫無意跟她做朋友，罔顧小朋友的感受：「細仔每晚都會祈禱我同前夫做番朋友，嗰日大仔畢業典禮，細仔叫前夫過嚟同我打招呼，但細仔走咗幾次，最後都唔成事，我真係好心噏！作為好父母應該將小朋友感受放喺第一位，我依家好努力咁工作，好想畀細仔有間舒適嘅房，佢今年八歲都仲要同我逼埋同一間房。」她又稱已儲了一筆錢給大仔到英國升學，但前夫希望兒子在港讀書，令兒子感矛盾。

羅霖指前夫拒與她打招呼，令細仔大感失望！

蔣怡將為女兒大搞一歲生日派對。

同場的名模蔣怡透露將會為女兒大搞一歲生日派對，提到父親節，她說：「嗰日我要返工，所以將個女交咗畀老公湊，呢個應該係唔錯嘅父親節禮物。」但當她發現老公餵女兒飲變壞的奶，令她沒好氣！