組合HotCha成員黎美言（Winkie）初出道時，會和另外兩位成員邊等開工邊拍鬼臉和嘟嘴賣萌自拍。但隨着年紀漸長，她表示因擔心「嫁唔出」而減少整古做怪：「依家開始驚嫁唔出，所以好少整鬼臉，冇以前咁不顧一切。以前試過去主題公園參加哈囉喂活動，一班朋友喺度扮奪命狂呼樣！」

黎美言（Winkie）

Winkie伸脷、鬥雞又嘟嘴，表情豐富。

Winkie自爆試過扮鬼臉後收到公司「溫馨提示」要她注意形象：「試過扮完鬼臉之後，公司打畀我了解，不過公司都係希望保護形象啫！」她又笑言免得做鬼臉嚇走粉絲，但私底下與朋友相處，仍不介意扮嘢拍照。